وہ صحابی جنہوں نے ایک بھی نماز نہیں پڑھی مگر جنتی ہیں

وہ صحابی جنہوں نے ایک بھی نماز نہیں پڑھی مگر جنتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حضرت عمرو بن ثابت رضی اللہ عنہ جو اصیرم کے لقب سے مشہور تھے ہمیشہ اسلام سے منحرف رہے ۔ جب احد کا دن ہوا تو اسلام دل میں اتر آیا ۔ کلمہ پڑھا اور تلوار لے کر میدان میں جا پہنچے اور کافروں سے خوب قتال کیا ۔ یہاں تک کہ شدید زخمی ہوکر گر پڑے ۔ لوگوں نے جب دیکھا کہ اصیرم ہیں تو بہت حیران ہوئے کہ یہ تو کافر تھے ان سے دریافت کیا تو انہوں نے فرمایا
میں ایمان لایا اللہ پر اور اس کے رسول صلی اللہ علیہ وسلم پر اور مسلمان ہوا اور تلوار لے کر رسول خدا صلی اللہ علیہ وسلم کے دشمنوں کے ساتھ قتال کیا یہاں تک کہ مجھے یہ زخم پہنچے ۔ یہ کہہ کر انتقال کر گئے ...
حضرت ابوہریرہ رضی اللہ عنہ فرمایا کرتے تھے بتاؤ وہ کون شخص ہے جس نے ایک نماز بھی نہیں پڑھی اور جنت میں پہنچ گیا پھر فرماتے کہ وہ اصیرم ہے
(اصابہ ۔ سیرت مصطفیٰ جلد 2 صفحۃ 234)